Iniciativa pol Asturianu organiza la cuarta edición de los Cursos d’asturianu en Xixón

Iniciativa pol Asturianu, en collaboración col Conceyu Universitariu pol Asturianu (CUPA) abre’l plazu p’apuntase a la cuarta edición de los Cursos d’Asturianu en Xixón, una esperiencia formativa qu’entama en collaboración cola Academia de la Llingua Asturiana y el Conseyu de Mocedá de Xixón.
Los cursos que se van facer na sede del Conseyu de la Mocedá de Xixón (Avda. Manuel Llaneza, 68), van entamar a partir del 12 de mayu, cuntando con 36 hores llectives cada nivel.
El cursu va celebrase los martes y xueves, de 19 a 21 hores nel casu del nivel inicial, y de 17 a 19 hores pal nivel II, acabando a finales de xunu.

El nivel inicial ta empobináu a persones ensin conocimientos d’asturianu o con nivel baxu de conocencia ya inclúi, pa les persones que lu superen, un diploma de l’Academia de la Llingua Asturiana, entidá reconocida pola Conseyería d’Educación pa la formación del profesoráu.
El nivel II ta empobináu a persones con una conocencia más fonda del idioma, que yá ficieren dalgún cursu enantes.
El preciu de la inscripción ye de 60 euros (50 pa los socios d’Iniciativa pol Asturianu), incluyendo los materiales necesarios pa llevar alantre’l cursu.
Les inscripciones pueden facese nel corréu lletrónicu conceyuasturianu@gmail.com o nel teléfonu 615 982 816, yá seya llamando o al traviés de Whatsapp o Telegram, hasta’l 11 de mayu.
Dende Iniciativa pol Asturianu animen a participar nesti cursu que va sirvir pa dar una conocencia básica y adaptada al nivel del alumnáu de la llingua asturiana, deprendiendo les normes ortográfiques, vocabulariu y otres cuestiones, con una clases amenes que van apoyase n’elementos audiovisuales, trabayando tamién cuestiones rellacionaes cola sociollingüística y la cultura d’Asturies.

Castellano
Iniciativa pol Asturianu organiza la cuarta edición de los Cursos d’asturianu en Xixón.

Iniciativa pol Asturianu, en colaboración con el Conceyu Universitariu pol Asturianu (CUPA) abre el plazo para apuntarse a la cuarta edición de los Cursos d’Asturianu en Xixón, una experiencia formativa que organiza en colaboración con la Academia de la Llingua Asturiana y el Conseyu de Mocedá de Xixón. 
Los cursos que se van hacer en la sede del CMX (Avda. Manuel Llaneza, 68), se organizarán a partir del 12 de mayo, contando con 36 horas lectivas cada nivel.
El curso se va a celebrar los martes y jueves, de 19 a 21 horas en el caso del nivel inicial, y de 17 a 19 horas para el nivel II, acabando a finales de junio. 
El nivel inicial está dirigido a personas sin conocimientos de asturiano o con nivel bajo de conocimiento e incluye, para las personas que lo superen, un diploma de la Academia de la Llingua Asturiana, entidad reconocida por la Consejería de Educación para la formación del profesorado.
El nivel II está dirigido a personas con un conocimiento más profundo del idioma, que ya habían hayan algún curso anteriormente.
El precio de la inscripción es de 60 euros (50 para los socios de Iniciativa pol Asturianu), incluye los materiales necesarios para llevar adelante el curso. 
Las inscripciones pueden hacerse en el correo electrónico conceyuasturianu@gmail.com o en el teléfono 615 982 816, ya sea llamando o a través de Whatsapp o Telegram, hasta el 11 de mayo.
Desde Iniciativa pol Asturianu animan a participar en este curso que servirá para dar un conocimiento básico y adaptada al nivel del alumnado de la lengua asturiana, aprender normas ortográficas, vocabulario y otras cuestiones, con una clases amenas que van a apoyarse en elementos audiovisuales, trabajando también cuestiones relacionadas con la sociolingüística y la cultura de Asturies.   
Publicar un comentario

Archivos del Blog