El programa "Alderiques d'Asturies" entama nueva temporada en MuyMuyTV



El primer programa sedrá un “derbi” ente aficionaos del Real Sporting de Xixón y Real Uviéu.

El programa emitiráse tolos sábados a les 19h. y los domingos a les 18h en redifusión. Alderiques d’Asturies entama esti sábadu la so segunda temporada na canal MuyMuyTV, qu'emite al traviés de la TDT nos conceyos de Xixón, Gozón, Carreño, Villaviciosa y Colunga y en toa Asturies por telecable.
Nesta nueva temporada, sigue'l compromisu de facer un programa pa tolos asturianos y asturianes, en llingua asturiana y con conteníos variaos nel que l'ociu, l'entretenimientu, l'actualidá y les entrevístes van tar presentes.
Nel programa que s'estrena esti sábadu a les 19h, podrá vese un “derbi” ente aficionaos del Real Sporting de Xixón y Real Uviéu, nel que van falar de temes deportivos y extradeportivos d'actualidá col periodista Pablo R. Guardado. Amás el programa va ufiertar les meyores imaxes del desfile del Día d'América n'Asturies, ente otros conteníos.
Alderiques d’Asturies ta producíu por Gomeru Producciones en collaboración con Iniciativa pol Asturianu y Conocer Asturies.

Más sobre Alderiques d'Asturies.

No hay comentarios:

Archivos del Blog