4 d'avientu en Xixón convócase una manifestación col lema "Nin súbditos nin Alteces, somos República" sofitada por Compromisu por Asturies

El viniente 4 d'avientu na Plaza L'Humedal de Xixón a les 20.00 convócase una manifestación col lema "Nin súbditos nin Alteces, somos República" sofitada por Compromisu por Asturies amás d'otres organizaciones, asina convidámoiste a dir a la mesma, apurrimos tola información al rodiu de la mani.
Fuente: Nota de prensa de Compromisu Asturies.

MANIFIESTU: ¡NIN JUAN CARLOS I, NIN FELIPE VI! ¡SOMOS REPUBLICAN@S!
Xuan Carlos I d'España y daqué d'Alemaña (por Corinna, Julia Steinbush y la Merkel) cai. Y esta vegada nun ye un tropezón por fuxir de llechu impropiu colos calzones d'armiñu al costazu, nin por cazar elefantes en Botsuana, nin osos borrachos nos Cárpatos. Xuan Carlos I ta cayendo de podre y la oligarquía española castiza y casposa cuenta col so recambiu en Felipe VI. La operación empecipió: trátase de sustituyir al vieyu y escadriláu Borbón, que s'azotó apola corona saltando perriba'l cadabre del so hermanu y el derechu dinásticu del padre, por un rei nuevu que pase la ITV (Inspección Técnica de Vagos) con un recauchutáu que tape la corrupción y el trinque de la familiar real al completo. Vuelve a tratase de dexalo too “atao y bien atao” como bien dixera -y meyor fixera- el so mentor: el dictador Francisco Franco. Resulta chocante qu'a esti proyectu lu llamen “Segunda Transición”, idega llanzá haimeses que ta siendo “trendingtopics” y que ta prestando pola vida a les clases dominantes y sobre la que caún fai la so quiniela.
Sabemos que los rexímenes políticos tán al serviciu de los sistemes económicos. La restauración de la monarquía borbónica del 78 foi la forma d'Estáu de la que sedotó'l gran capital pa defender los sos intereses y planes d'acumulación. Agora la so continuidá en Felipe VI rubricaría l'Estáu nuevu de l'Austeridá y la Probeza que foi imponiéndonos los distintos gobiernos del réximen (asina del PP como del PSOE, como de CIU o el PNV, etc…), al dictáu de la Troika y del gran capital financieru trasnacional que ta esmantelando toles conquistes históriques del movimientu obreru, el feminismu, l'ecoloxismu y los movimientos civiles democráticos.
A los sectores populares nun nos queda otra que contraponer a los sos planes, la ROTURA col Réxime del 78 y los sos continuaores, exerciendo la SOBERANÍA POPULAR y col exerciciu efectivu del derechu a l'autodeterminación de los Pueblos del Estáu español, p'abrir el procesu o procesos constituyentes necesarios que conviertan en realidá les aspiraciones republicanes de los y lestrabayadores.
Compromisu pide recuperar los valores republicanos frente a la Constitución de la corrupción borbónica.
Daniel Fernández llama a participar na Manifestación “Somos República”, convocada pal 4 d'avientu que va tener la so salida a les 20:00 dende la Plaza de L’Humedal de Xixón.
El voceru nacional de Compromisu por Asturies, Daniel Fernández, afirmó que ye necesariu recuperar los valores republicanos frente a la celebración de los 35 años de la Constitución de la corrupción Borbónica, y llamó a participar na manifestación que va tener llugar el 4 d'avientu en Xixón, con salida na Plaza de L’Humedal a les 20:00 hores, col lema “Somos República”.
Dende Compromisu por Asturies consideren que “frente a la decadencia de la Monarquía Borbónica, que cumple 35 años d'impunidá de la corrupción, el gobiernu al marxe de la ciudadanía, la represión constante frente a la protesta social y l'empeoramientu de les condiciones de vida del 99% de la población, por que el 1% sía entá más ricu a base de expoliar lo público y defraudar impuestos” precisamos “recuperar los valores del republicanismu”.
Pa Compromisu por Asturies “nun se trata tantu de falar de la forma de gobierno Monarquía o República, anque nel sieglu XXI falar de Monarquía ye un insultu a la democracia, si non de recuperar valores como la participación de la mayoría na cosa pública, la primacía de los intereses xenerales frente a los particulares del gobernante de vez, la sumisión de la economía a la soberanía popular, recuperar la cai como centru del exerciciu de la ciudadanía, l'Estáu como garante de la llibertaes individuales o'l derechu d'autodeterminación de los pueblos que componen l'Estáu”.
Asina, Daniel Fernández señaló que “Compromisu por Asturies llama a participar na Manifestación -Somos República- que va tener llugar en Xixón el miércoles 4 d'avientu, con salida a les 20:00 hores na Plaza de L’Humedal”, concluyó.

No hay comentarios:

Archivos del Blog