Iniciativa pol Asturianu llamenta no más fonderu la noticia sobre la muerte del poeta Felipe Prieto

Iniciativa pol Asturianu llamenta no más fonderu la noticia sobre la muerte de Felipe Prieto (Zamora, 1941-Uviéu, 2014), escritor n'asturianu con una obra curtia asoleyada pero d'abonda calidá. Prieto yera amás miembru de l'Academia de la Llingua Asturiana dende los sos entamos.
N'Iniciativa pol Asturianu queremos da-y el nuesu pésame a la so familia y aprovechar pa reconocer la importancia de la obra pa la modernización de la lliteratura na nuesa llingua, como parte del movimientu del Surdimientu, yá que yá nos años sesenta escribió les sos primeres obres, onde afondaba en temes non trataos hasta'l momentu na poesía asturiana.
Tea en paz.

Castellano

Iniciativa pol Asturianu lamenta en lo más hondo la noticia sobre la muerte de Felipe Prieto (Zamora, 1941-Uviéu, 2014), escritor en asturiano con una obra corta publicada pero de muchísima calidad. Prieto era además miembro de la Academia de la Llingua Asturiana desde sus comienzos.
En Iniciativa pol Asturianu queremos darle nuestro pésame a su familia y aprovechar para reconocer la importancia de la obra para la modernización de la literatura en nuestra lengua, como parte del movimiento del Surdimientu, ya que ya en los años sesenta escribió sus primeras obras, donde profundizaba en temas no tratados hasta el momento en la poesía asturiana.
Esté en paz.

Quedámonos colos sos versos como alcordanza.

Dexáronmos equí 
pa morrer solos y amanciaos 
como mazanes vieyes.., 
y los corazones esgonciaos 
como en dayuri les portielles. 

Dexáronmos equí 
per entre les utres y les peñes, 
y el cuchu amontonáu 
peles caleyes. 

Dexáronmos equí pa buscá vida 
y daqué pa h.acer coles sos manes, 
que la tierra yá se ve 
equí na ería 
y menos non se verá pente alemanes. 

Dexáronmos equí 
con una tierra vieya y espurría 
que por non dar non da ni herba roína. 

Dexáronmos equí 
los vieyos, y los coxos, y los ciegos 
y hasta los muertos 
quedáronse na osera 
con los huesos axuntaos nun maniegu. 

Denantes había palombes nesti pueblu, 
agora nuestres palombes son los cuervos.

Felipe Prieto (Esbilla, 1980)
Publicar un comentario

Archivos del Blog