Iniciativa pol Asturianu celebra un acto en Cangues d'Onís

Vienres 31 en Cangues d'Onís:
CHARRA INFORMATIVA EN IES REI PELAYO
Los alumnos de terceru de la ESO del Institutu Rei Pelayo de Cangues d'Onís van participar nuna charra sobre la llingua asturiana qu'organiza Iniciativa pol Asturianu por petición del profesor del centru, Fonsu Martín, esti vienres 31 de mayu de magar les 12:25 hores. Na charra falaráse colos alumnos de la situación del asturianu y de la so visión como alumnos matriculaos na asignatura.
FOLIXA RECITAL DE LA REVISTA FORMIENTU
Iniciativa pol Asturianu celebra un actu en Cangues d'Onís col envís de dase a conocer nesti conceyu del oriente d'Asturies. Nel actu va celebrase un recital de poesía n?asturianu que va abrir l'escritor mozu de Cangues, Alberto Cla. Va presentase'l númberu 11 de la revista lliteraria Formientu con dellos autores recitando y micro llibre.
Darréu fadráse una charra siguida d'un coloquiu, onde va facese una presentación d'Iniciativa pol Asturianu en Cangues d'Onís, titulada Actualidá y futuru de la llingua asturiana", de la voz d'Inaciu Galán, presidente d'Iniciativa pol Asturianu. L'actu quier servir pa siguir dando a conocer a la organización per tol territoriu asturianu, pa sumar a más persones al llabor pel idioma en tolos ámbitos d'actuación posibles.

L'actu va celebrase nel chigre Filandón, asitiáu nel númberu 4 de la cai Constantino González de Cangues d'Onís, de magar les 8 la tarde d'esti vienres 31 de mayu.

No hay comentarios:

Archivos del Blog