Artículo de la Rede Blogs Asturianistes http://www.asturianistes.com . Autor Carlos Fernández Fuente¿Se puede ser ecoloxista y asturianista? ¿se puede defender Asturies y a la par defender una economía sostenible y protexer el mediu ambiente? Sí, ye posible, y l’exemplu más claro ye’l proyeutu políticu ecoloxista y asturianista que representa Izquierda Asturiana (IAS) – Asturianistes. Nun sólo ye posible sinón que ye vital pa poder facer el cambeu de modelu social y económicu que necesita Asturies.
L’ecoloxismu políticu ye una corriente de pensamientu que trata de llevar al campu de la política’l sentir ecoloxista. L’ecoloxismu ye un movimientu social, políticu y global que defende la protección, la xestión sostenible y la restauración del mediu ambiente. N’Asturies la Coordinadora Ecoloxista ye la organización que más trabaya nesta estaya dende hai muncho tiempu con importantes movilizaciones y actuaciones en temes como la defensa de la costa asturiana, los ocalitos, los daños producíos pola Rio Narcea Gold Mines, los campos de golf, los embalses, les térmiques… Tamién Izquierda Asturiana (IAS) Asturianistes siempre defendió unes posiciones ecoloxistes y les sos propuestes se basen nun modelu social, económicu y ambiental sostenible. Asina los ecoloxistes y asturianistes d’IAS tan desendolcando una per importante llabor en temes como son l’agresión del Muselón de Xixón, les torretes d’alta tensión o la incineradora de Serín. Na práctica los asturianistes y ecoloxistes d’Izquierda Asturiana (IAS) Asturianistes son l’únicu partíu ecosocialista n’Asturies.
L’ecosocialismu ye la denuncia clásica del capitalismu como sistema socialmente inxustu xunta cola acusación de ser un sistema depredador del mediu ambiente y que lleva a mediu y llargu plazu a la destrucción del planeta. IAS trabaya día a día na defensa del mediu ambiente ensin renunciar al asturianismu políticu y la defensa y reclamación de les aspiraciones nacionales d’Asturies como país. Les campañes mediu ambientales d’IAS, les propuestes ecoloxistes nos programas electorales del partíu, la defensa d’un Estatutu d’Autonomía verde y la estrecha collaboración con grupos ecoloxistes fai d’esta formación política la verdadera izquierda verde d’Asturies. De toes formes ye claro que si Asturies tien futuru, esi futuru será verde y asturianista.
1 comentario:
Pero tampoco sois los únicos. Hay sensibilidades ecologistas y verdes en otros partidos. y hay gente que no es nacionalista y que milita en asociaciones ecologistas y vecinales que se sienten defensores de principios verdes. Lo bonito sería que todos ellos se unieran
Publicar un comentario