Territoriu Sidreru visita esti domingu Llagar Muñiz y fala de música y sidra con Ismael Arias

El programa fala tamién de la fabricación de toneles de sidra y visita'l chigre El Restallu, en Xixón.
De la mano d’Inaciu Galán, Territoriu Sidreru llega esti domingu a les 15 hores, en TPA, al Llagar Muñiz, en Tiñana, una de les parroquies con más llagares del conceyu de Siero y d’Asturies. Galán avera a los telespectadores al vieyu oficiu de facer toneles, les posibilidaes de futuru d’esti trabayu y los nuevos usos de los toneles y pipes, na Tonelería Hermanos Argüelles, que lleva más de cien años faciendo estos recipientes sidreros de madera en Breceña, Villaviciosa.

En “Xente sidrero” esti capítulu fala de la presencia de la sidra y la mazana na música asturiana col espertu Ismael María González Arias, en Mieres del Camín. En Xixón el prorgrama da a conoer la sidra y la gastronomía del chigre El Restallu, rematando esta edición del programa cola hestoria y la evolución de les espiches en “¿Sabíes qué?” y con una nueva pallabra sidrera esplicada por Fernán Gonzali Llechosa. El programa repítese a les 16 hores en TPA 2 (A8) y los miércoles a les 15 hores.
Fuente: Nota de prensa e imagen de "Territoriu Sidreru".
Publicar un comentario

Archivos del Blog