XIII Xuntes d'Escolines y Escolinos con 723 participantes y "La mar y el puerto d'Avilés" como tema

Celébrense'l prósimu 3 de mayu dientro la XXXVII Selmana de les Lletres Asturianes
Esti añu'l cartel ye d'un escolín del colexu Palacio Valdés. Participen centros de Primaria d'Avilés que dan asturianu en cuartu, quintu y sestu. Tamién hai un centru que va participar a nivel individual, el CRA Castrillón-Illas. Tolos centros trabayaron, dende hai dos meses, pa preparar l'actividá con talleres.
Yolanda Alonso, conceyala de Cultura, Montse Machicado, Estaya de la Llingua d'Avilés y Inma Rodríguez y Antón Caamaño, de la compañía Nun Tris, presentaben pela mañana na rueda de prensa les XIII Xuntes d'Escolines y Escolinos, que tán dientro de la XXXVII Selmana de les Lletres Asturianes, con La mar y el puertu d¿Avilés, como tema principal. Celébrense'l prósimu 3 de mayu nel Centru Niemeyer a les 10:30 hores y participen un total de 743 escolinos y escolines.

Participen centros de Primaria d'Avilés que dan asturianu en cuartu, quintu y sestu. Tamién hai un centru que va participar a nivel individual, el CRA Castrillón-Illas.
Los centros de primaria participantes son: Poeta Juan Ochoa 147 alumnos y alumnes, Principado (45) , Apolinar García Hevia (90), Llaranes (87), La Carriona-Miranda (35), Villalegre (83), Versalles (118), Santo Tomás (56), Palacio Valdés (46) y CRA (18).
Tolos centros trabayaron, dende hai dos meses, pa preparar l'actividá con talleres, echándo-yos un gabitu pa organizar obres de teatru, cantares, trabayos d'investigación, etc...a cargu de la compañía de teatru Nun Tris.
Los centros de secundaria participantes esti añu son tres: IES Nº 5, IES Carreño Miranda y IES Menéndez Pidal. Estos centros presentaron trabayos en formatos diferentes: power point, papel,  pdf, soporte de videu cola mesma temática, pero estos trabayos entren en concursu y el premiu va ser, aparte d'un troféu col nome del centru, una escursión de mediu día pa que conozan l'entornu de la desembocadura de la ría d'Avilés, les dunes de L'Espartal, playa de San Xuan y charca de Zeluán. Ésta va ser guiada y organizada pola empresa Lláscara, especialista en xeoturismu y desarrollu rural.
Esti añu'l cartel de les Xuntes ye de Jorge Vega López, escolín del colexu Palacio Valdés que ganó'l Primer Concursu de Carteles de les Xuntes, cola mesma temática: la mar y el puertu d'Avilés.

Fuente: Nota de prensa del Ayuntamiento de Avilés.

No hay comentarios:

Archivos del Blog