Concentración en Uvieu frente a la Xunta Xeneral contra la invasión de plumeros de la pampa en Asturies

El plumeru La Pampa invadió la Xunta Xeneral mentanto’l Debate d’Orientación Política d’Asturies.

Un piñu de persones convocaes por Lluchando Pola Soberanía realizó está mañana una aición en protesta pola incapacidá de los gobernantes énte’l xorrecer per toa Asturies d’especies invasores como’l plumeru La Pampa. Amás, el coleutivu repartió cientos de guíes básiques escontra’l plumeru La Pampa ente les persones que s’averaben, mui esmolecíes y conscientes de la problemática, a les activistes.
Pa finar l’actu, dellos representantes de Lluchando Pola Soberanía entregaron copies del “Manifiestu por una Asturies llibre de plumeru La Pampa y especies invasores” a tolos grupos parllamentarios de la Xunta Xeneral d’Asturies y remitieron per rexistru copies a tolos grupos municipales de tolos conceyos asturianos buscando un posicionamientu claru y pidiendo la declaración de “conceyu llibre de plumeru La Pampa y especies invasores”, ufriendo información a vecines, desendolcando planes de desaniciu y collaboración baxo unes premises de creación de puestos de trabayu dignos y apostando por un modelu productivu apegáu al mediu y dando soluciones al despoblamientu rural.

Fuente: Nota de prensa y fotos de Lluchando Pola Soberanía