El plenu de Cangues d'Onís va tratar la nuesa quexa pol incumplimentu de la toponimia na A-64. Estos díes atrás, Iniciativa pol Asturianu quexábase énte l'alcalde de Cangues d'Onís, darréu de qu'anunciara que-y aprobaren la colocación d'una señalización na A-64 na que s'anuncia la salida p'hacia Cangues d'Onís y Cuadonga. Iniciativa pol Asturianu recordó al alcalde, José Manuel González Castros, qu'ha facer porque Fomentu cumpla la llei al poner la señalización que reclamó y qu'agora van instalar. Agora l'asuntu va llegar al plenu del Conceyu de Cangues gracies a la petición d'Izquierda Xunida.
Na comunicación coles distintes fuercies presentes nel plenu de Cangues recordamos que tola señalítica ha usar los nomes oficializaos pol propiu plenu de Cangues, nesti casu Cangues d'Onís/Cangas de Onís y Cuadonga/Covadonga. Izquierda Xunida lleva agora la nuesa propuesta y unvió yá una nota a los medios na que manifiesten la so petición al alcalde "ha respetar la Toponimia oficial del Conceyu, polo qu'entendemos que tienen qu'apaecer los nomes tanto n'asturianu como en castlellán".
Decretu de 2009 qu'aprobaba la toponimia del conceyu de Cangues d'Onís.
No hay comentarios:
Publicar un comentario