Vídeo acción de Compromisu por Asturies contra el proyecto de incineradora de COGERSA

 Yolanda González destacó la falsedá del debate ente crear un nuevu vertideru o faer una incineradora ensin estudiar les otres alternatives qu'esisten.

La vocera de Compromisu por Asturies, Yolanda Huergo, arropada pol conceyal de l'agrupación en Carreño, Roberto Folgosu y pol voceru del conceyu de Xixón, Daniel Fernández, protagonizó una representación contra la incineración delantre del puntu llimpiu de Roces en Xixón. Na representación dellos militantes recoyeron y dixebraron los distintos tipos de basures mientres una incineradora simulada" echaba una gran cantidá de fumu al aire. Con ello la organización pretende contraponer la minimización, reutilización, reciclaje y compostaxe de la fracción orgánica como sistema de xestión de borrafes frente a la incineración como sistema de non xestión de residuos.
L'actu nel que participaron una docena de militantes, consistió n'esparder pol suelu una pequena cantidá de basura que darréu se dixebró según característiques pa llevala darréu al propiu puntu llimpiu de Roces, mientres la incineradora simulada enllenaba l'aire de fumu.
Huergo destacó que "pa qu'una incineradora sía rentable tien que quemar residuos y que por tantu esto va en contra del reciclaje" tamién destacó que si se respeten les tases de reciclaxe que se supón que tien d'haber, esti sobredimensionamientu de la incineradora fainos abarruntar que les intenciones del gobiernu son trayer basures d'otres partes pa quemar en Asturies".